శ్రీ ఘంటసాల వెంకటేశ్వరరావు గారి గాత్ర మాధుర్యం యావదాంధ్రలోకాన్నీ ఆనంద డోలికల్లో ఓలలాడించింది. వేంకటేశ్వరరావు గారి గానసుధా మాధుర్యాన్ని “కర్ణపుటంబులారగ్రోలిన" అశేషాంద్రజనానీకంలో ఒకణ్నిగా నా హృదయానందాన్ని వారి కళావైదుష్యానికి నివాళిగా సమర్పిస్తున్నాను.

                                                                                                                                      -శ్రీశ్రీ

                        అతడు కోట్ల తెలుగుల ఎద
                        అంచుల ఊగిన ఉయాల
                        తీయని గాంధర్వ హేల
                        గాయకమణి ఘంటసాల

                                                     - డాక్టర్ సి. నారాయణ రెడ్డి
                        ఘంటసాలవారి కమనీయ కంఠాన
                        పలుకనట్టి రాగ భావమేది!
                        ఘంటసాలవారి గాన ధారలలోన
                        తడియనట్టి తెలుగు టెడద యేది!

                                                      - దాశరధి

 

                        చలన చిత్ర శ్రీ విశాల ఫాలమ్ముపై
                        తళతళ మెరయు గంధర్వతార
                        తమిళ కర్ణాట కేరాళాంధ్రముల యందు
                        వేలకొలది గీతమ్ముల నాలపించి
                        ఖ్యాతి గన్నాడు చాల! సంగీతలక్ష్మి
                        కంఠకర్తారమాల! మా “ఘంటసాల!"

                                                          - కరుణశ్రీ